Әлеуметтік өзара әрекеттесу және коммуникация­лар орталығы

2013 жылдан бастап Қордың компаниялар тобында Samruk Research Services әлеуметтік тұрақтылық деңгейіне зерттеу жүргізілуде, ол бүкіл Қазақстан бойынша өндірістік ұжымдардың әлеуметтік-еңбек қатынастарындағы мәселелік аймақтарды диагностикалауға және алдын алу шараларын уақтылы қабылдауға мүмкіндік береді. Зерттеу іс жүзінде барлық компания қызметкерлерін қамтиды.

Қор компаниялары тобындағы әлеуметтік тұрақтылық деңгейі 2023 жылдың қорытындысы бойынша қанағаттанарлық — SRS жалпы көрсеткіші 2022 жылдан бері өзгеріссіз 70%-н құрады (72 мыңнан астам респондент қамтылды). Зерттеу жарты жылда бір рет SMS-хабарлама және телефон арқылы ­сауалнама арқылы жүргізілді.

2023 жылдан бастап ӘӨКО Қордың әкімшілік-басқару қызметкерінің әл-ауқатының деңгейін зерттеу операторы болды. Бұрын бұл зерттеуді SBA әлеуметтанушылары жүргізген.

2023 жылдың қорытындысы бойынша:

• Қор Басқармасы SRS жаңа әдістемесін әзірлеген және бекіткен;
• Зерттеу нәтижелерін түсіндіру үшін бірқатар ПК-де көшпелі кездесулер ұйымдастырылды;
• Әкімшілік-басқару қызметкерінің қатысуын зерттеудің жаңа әдіснамасы әзірленді;
• 17 ЖК-де әкімшілік-басқару қызметкерінің әл-ауқат деңгейін анықтау бойынша зерттеу жүргізілді;
• Бірінші жартыжылдықта SRS 2023 зерт­теуі жүргізілді, оның қорытындысы бойынша 12 ПК мен Қорға талдамалық есептер берілді (40 мыңға жуық қызметкерден сұхбат алынды);
• Көрсеткіштері төмен кәсіпорындарда терең зерттеулер жүргізілді (бірінші жартыжылдықтағы сауалнама нәтижелері бойынша).

Дағдарыстық жағдайлар туындаған Қор бөлімшелері мен портфельдік компаниялардың өзара іс-қимылын үйлестіру және дағдарысқа қарсы іс-шаралар ұйымдастыру үшін 2021 жылдан бастап Қордың жедел штабы жұмыс істейді. Есепті кезеңде Жедел штабтың 5 отырысы өткізілді (2021 жылдан бастап барлығы — 14).

Еңбек ұжымдарында әлеуметтік шиеленістің туындау алғышарттары немесе фактілері туралы жедел деректерді жинауды және талдауды 5 байланыс арнасы (электрондық пошта, телефон, Whatsapp мессенджері, веб-сайт және QR-код) бойынша 24/7 режимінде жүзеге асыратын әлеуметтік тұрақтылық мониторингі орталығы (бұдан әрі — ӘТМО) жұмыс істейді. Сондай-ақ, әлеуметтік тұрақтылықтың интерактивті картасы жұмыс істейді, ол арқылы нақты уақыт режимінде компаниялар тобының кәсіпорындарындағы жағдай қадағаланады.

ӘТМО күн сайын (сағат 10:00-де және 17:00-де) туындаған наразылық акциялары және ескертпелі ақпарат туралы Қор басшылығына жедел хабарлауды қамтамасыз етеді.

2023 жылы ӘТМО-ға Қор тобы мен бөгде ұйымдардың қызметкерлерінен 22 586 өтініш келіп түсті.

Зерттеулер мен мониторинг қорытындылары бойынша қабылданып жатқан шаралардың арқасында "дабыл аймақтарының" саны 68 — ден 21-ге дейін, ереуілдер саны — 2022 жылғы 86-дан 2023 жылы 21-ге дейін төмендеді.

Компаниялар тобында «Кәсіподақ белсенділерінің корпоративтік мектебі» (350 кәсіподақ көшбасшысы оқытылды), «Медиаторлардың корпоративтік пулы» (113 корпоративтік медиатор оқытылды) жобалары іске асырылды. Портфельдік компаниялардың омбудсмендері медиация және келіссөздер жүргізу дағдылары курсынан өтті, IR мамандары (28 ЖК мамандары) оқытылды.

Омбудсмендер мен кәсіподақтар арасында өзара іс-қимыл жолға қойылды, медиаторлардың ішкі пулы мен келісу комиссиялары құрылды. 2023 жылғы шілдеде Алматы қаласында «Кәсіподақ көшбасшылары мен омбудсмендерінің форумы» өткізілді, 2023 жылғы желтоқсанда Шымкент қаласында Қор компаниялары тобындағы әлеуметтік-­еңбек коммуникациялар бойынша Форум өтті.

2022 жылдан бастап IR — Industrial Relations бағыты жұмыс істейді, оның негізгі мақсаттарының бірі мердігерлік ұйымдар қызметкерлерінің еңбек құқықтарының сақталуын қамтамасыз ету болып табылады.

Еңбек жағдайларын жақсарту мақсатында IR-скринингтерді талдау қорытындылары бойынша іс-шаралар жоспарлары әзірленді.

Профилактика шеңберінде қызметкерлердің Біріккен Ұлттар Ұйымының Даму бағдарламасымен (БҰҰДБ) бірлесіп жұмыс орнындағы қысым, қудалау түрлері туралы хабардарлығын арттыру үшін іс-шаралар (қонақ дәрістері, тренингтер, семинарлар және ақпараттық сессиялар) өткізілді.

Негізгі мақсаттары:

• Қордағы ішкі корпоративтік коммуникациялар саласындағы жұмысты жүйелеу;
• Қор мен Орталықтың қызметі шеңберінде коммуникациялық және стратегиялық іс-шараларды дайындауды ұйымдастыру;
• ӘӨКО өнімдерін жылжыту;
• Кәсіподақтармен, омбудсмендермен және ішкі медиаторлармен байланысу;
• Коммерциялық оқыту іс-шараларын дамыту.

2023 жылы портфельдік компаниялар үшін 40-тан астам коммерциялық жоба ұйымдастырылды және өткізілді.

Қор компаниялары тобының жастар саясатын дамыту аясында 25 іс-шара ұйымдас­тырылып, өткізілді.

Бұл Қордың толық форматты корпоративтік басылымнан (журнал, 80 бет, айына 1 рет, екі тілде тұрақты түрде шығады), күнделікті аттас жаңалықтар сайтынан, Телеграм арнасынан, Facebook, Instagram, Вконтакте және YouTube әлеуметтік желілерінен тұратын медиа-блогы.

Корпоративтік басылым мен сайт республикалық БАҚ ретінде тіркелген. Қор мен компаниялардың өмірі баяндалады, әлеуметтік тұрақтылық пен еңбек ұжымдарына басымдық беріледі (бұрыштың басында — еңбек адамы).

• HR және ПК және ЕТҰ әлеуметтік қызметтерінің қызметкерлері үшін семинарлар ұйымдастыру.
• 2024 жылдың бірінші жартыжылдығының қорытындысы бойынша және жыл қорытындысы бойынша «Samruk Research Services» зерттеуін жүргізу.
• Әлеуметтік тұрақтылық тәуекелдері
• Әлеуметтік-тұрмыстық жағдайлардың IR-скринингі.
• Адам құқықтарын қорғаудың белсенді шаралары: БҰҰДБ-ның адам құқықтары және бизнестегі гендерлік теңдік саласындағы басшылық қағидаттарына қол жеткізу бойынша сертификаттау.
• Гендерлік саясат бойынша ғылыми-зерттеу институттарының Консорциумына кіруі.