Қазақстан Республикасы Үкіметінің (2023 жылғы 17 наурыздағы № 230) қаулысымен «Қазақстан Республикасының газ саласын дамытудың 2023 — 2032 жылдарға арналған кешенді жоспары» бекітілді.

Мемлекет басшысының тапсырмасына сәйкес әзірленген «Самұрық-­Қазына» АҚ-ның 2032 жылға дейінгі жаңартылған Даму жоспары ағымдағы және болашақ сын-қатерлерді табысты еңсеруге бағытталған ойластырылған стратегия болып табылады. Сонымен қатар, Қордың Даму жоспары негізгі Жалпыұлттық басымдықтарға сәйкес келеді және ел дамуының ұзақ мерзімді бағытын айқындайтын ұлттық құжат болып табылатын «Қазақстан-2050» стратегиясын іске асыруға ықпал етеді.

Бұл ретте айта кету керек, Даму жоспары алдыңғы жылдардағы ұқсас құжаттарға қатысты сабақтастықты сақтайды, олармен қайшылықтарға түспейді, бірақ жекелеген ережелерді толықтырады және нақтылайды.

Ел дамуының ағымдағы әлеуметтік-экономикалық конъюнктурасын және Қордың рөлін ескере отырып, бүгінгі күні инвестицияларды Қазақстан экономикасын дамытуға жұмылдырған жөн. Осыған байланысты, алдағы 7 жылда Қорды басқару моделі елдің әлеуметтік және инфрақұрылымдық дамуын қолдау міндеттері бар стратегия­лық холдинг ретінде айқындалды.

2030 жылға қарай Қор қолайлы нарықтық жағдайларда әрекет ете отырып және өзінің стратегиялық активтеріндегі мажоритарлық үлесін сақтай отырып, инвестициялық холдингке айналуды жоспарлап отыр.

Өзінің бәсекеге қабілеттілігін арттыру және халықаралық деңгейде «келешегі бар серіктес» ретіндегі беделін нығайту үшін Қор өз портфелін әртараптандыруға және оны экспортқа бағытталған инновациялық жобалармен толтыруға ұмтылатын болады.